Pagandahin at Paghusayan ang Paglilingkod

“Pagandahin at paghusayan pa ang paglilingkod sa mamamayan.” Ito ang paalala ni City Mayor Lourdes S. Cataquiz matapos hikayatin ang mga miyembro ng City Development Council kabilang ang mga Punong-Barangay, CPDO, DILG, SB members, at staff and representatives ng Budget Office at Non-Government Organizations, na magsumite ng comprehensive development plans na siyang magiging patnubay sa pagpapatupad ng mga programa. Ito ay binubuo ng mga sektor ng Social Services, Environmental, Economic, Infrastructure at Institutional.
Binigyang-diin din ni Mayor Cataquiz na dapat pang paigtingin ang pagtutulungan ng mga ahensya, at lalong pag-ibayuhin ang maayos na serbisyo lalo’t ang isang pinagsusumikapang mithiin ay ang tuluyang alisin ang kahirapan at krimen.
Samantala, ibinahagi nina CLGOO Jennifer S. Quirante at CPDOO Yvonne Geolingo ang mga mahahalagang aspeto tulad ng pangkasalukuyang kalalagayan sa lokal na pagpaplanong pangkaunlaran, kasama ang mga kakulangan at nagiging kahinaan sa pagpapatupad ng mga plano, programa at proyekto, at iba pang issues and concerns na nakaaapekto sa pangkalahatang sitwasyon ng mga planong pangkaunlaran. Tinalakay naman ni LGOO II Monette Landicho ang overview ng Local Development Project at mga proseso na nakapaloob sa CDP.
Nakibahagi din sa 3-day seminar-workshop, “Updating of the Comprehensive Development Plan of the City of San Pedro,” na ginanap sa Pavilion Hall, sina Admin Head Filemon Sibulo, LGOO II Alyssa Barrameda at Zarel John Cruzat, at iba pang DILG staff. Ito ay mula sa programa ng DILG na suportado ng Pamahalaang Lungsod.

Matatamis na Ngiti ang hatid ng ating Programang “Kayganda ng Ngiti ko sa Bago kong Pustiso”

Nakaramdam ng malaking pag-asa ang mga San Pedronians na muli nilang maipakikita ang kanila pinakamagandang ngiti matapos na masukatan ng pustiso sa Jose L. Amante Emergency Hospital (JLAEH) Annex . Ito ay mula sa programang “Kayganda ng Ngiti ko sa Bago kong Pustiso” ng Pamahalaang Lungsod at ng City Health Office (CHO), sa pangunguna ni Dr. Robert Olivarez at Head nurse Riah Fojas, katuwang sina Doctors Catherine Arguelles, Myrna Anciano Sisik at Dona Angel Ramirez.
Ang 3rd batch na nagpasukat ng pustiso noong Jan. 12, 2018 ay umabot sa 530 na pasyente. Inaasahan na matatanggap nila ang kanilang mga pustiso bago matapos ang buwan ng Pebrero, 2018.

Year-End Consultative Meeting ng Federated Parents-Teachers Association, General Parents-Teachers Associations

Year-End Consultative Meeting ng Federated Parents-Teachers Association, General Parents-Teachers Associations mula sa 20 elementary schools, 7 high schools at 2 senior high schools ng lungsod ng San Pedro, district supervisors, principals at school heads. Ito ay pinangasiwaan ni Kon. Jimbo Ambayec, Chairman of the Committee on Education, kung saan ibinahagi nya ang pangunahing legislative agenda ng lungsod para sa edukasyon.
Sa mensahe ni City Mayor Lourdes S. Cataquiz, binanggit nito ang mahahalagang papel ng lokal na pamahalaan sa pagpapaunlad ng buong sistema ng edukasyon. Hinikayat din ng alkalde ang FPTA na makiisa sa pananaliksik upang matukoy ang mga gumawa ng mga gusali sa lungsod at usisain ang mga materyales na ginamit upang madiskubre kung ang mga konstruksiyon o edipisyo ay ginamitan ng mahihinang klase ng materyales na peligroso para sa mga istraktura at sa mga mamamayan, o mga materyales na may mataas na standards na hindi basta-basta matitibag ng lindol: ito ay bilang paghahanda sa mga darating na kalamidad.
Ang consultative meeting ay ginanap sa Central Elementary School noong ika-12 ng Disyembre, 2017.

 

22 Pares Sabay-sabay na nag “I DO” ❤️

Naging napakahalaga at natatangi ang araw ng Disyembre 6, 2017 para sa 22 pares na nag-isang dibdib sa lobby ng San Pedro City Hall dahil sa magarbong Kasalang Bayan at nag-uumapaw na handa sa reception na handog ng Pamahalaang Lungsod. Ito ay naglalayong maging legal ang pagsasama ng dalawang nagmamahalan, at maitaguyod ang natatanging kultura ng pagmamahal at pagkakaisa sa loob ng bawat pamilya.
Sa mensahe ni City Mayor Lourdes S. Cataquiz, itinagubilin niya ang mga bagay para sa ikatatagumpay ng pagsasama ng mga bagong kasal tulad ng pagiging magkatuwang nito sa sa hirap man o sa ginhawa, pagkakaroon ng prayoridad at direksyon, maayos na komunikasyon lalo’t sa paglutas ng problema, at gawin si Kristo na sentro ng kanilang pagsasama.
Ang Kasalang Bayan ay sinaksihan ng mga napiling ninong at ninang ganun din ng mga opisyal at kawani ng Pamahalaang Lungsod.

 

San Pedro Technological Institute (SPTI) 132nd Skills Olympics

Masayang ipinagdiwang ang 132nd Skills Olympics ng San Pedro Technological Institute (SPTI) na pinangunahan ni SPTI Administrator Domeng Marmeto, at dinaluhan at pinaunlakan nina Councilor Jimbo Ambayec, at TESDA Asst. Provincial Dir. Francisco Reyes noong ika-29 ng Nobyembre, 2017, mula 8 ng umaga hanggang 5 ng hapon.
Idinaos ang skills Olympics sa pamamagitan ng mga kumpetisyon tulad ng bread & pastries making, cookery, beauty contest, dressmaking, singing contest at quiz bee. Naglagay din ng mga booth para sa massage, automotive, electrical installation, photography, bartending, at iba pa.

 

GLOBAL CHARITY ASSOCIATION AND SALT AND LIGHT INTERNATIONAL WORLD MISSIONARY MULING NAGSAGAWA NG MGA MEDICAL MISSION

Hindi pa rin magkamayaw ang San Pedronians na nangangailangan ng serbisyong medikal matapos na dumagsa ang 286 katao upang makinabang sa ikalawang araw ng medical mission na handog ng Global Charity Association and Salt & Light International World Missionary, Inc. noong Oct. 28, 2017 sa Brgy. Landayan covered court. Dito’y namahagi ng mga libreng gamot at nagsagawa ng mga libreng serbisyong medikal tulad ng consultation (pedia, adult, ob-gyne), ultrasound, dental, at surgery. Pinangunahan ito nina doctors Kang, Byung Suk (gynecologist & president of Global Charity Association); Shim, Byeong Soo (neurosurgeon); Jeong, Hyung Tae (dentist); Jung, Dae Ho (physician); Park, Seung Won (pediatrician); Park, Ki Ju (family medicine); Kim, Jae Min (dental hygienist); mga volunteers at City Health Office staff.

Nagpaabot ng pasasalamat si City Mayor Lourdes S. Cataquiz sa ikatlong araw na medical mission ng Global Charity Association and Salt & Light International World Missionary, Inc. dahil sa walang humpay nitong pagtulong sa mga mamamayan ng San Pedro partikular na sa mga may karamdaman. Ang huling araw ng medical mission na pinangunahan nina doctors Kang, Byung Suk (gynecologist & president of Global Charity Association); Shim, Byeong Soo (neurosurgeon); Jeong, Hyung Tae (dentist); Jung, Dae Ho (physician); Park, Seung Won (pediatrician); Park, Ki Ju (family medicine); Kim, Jae Min (dental hygienist); mga volunteers at City Health Office staff, ay ginanap sa Brgy. Cuyab covered court noong Oct. 29, 2017. Umabot sa 376 pasyente ang nabigyan ng libreng serbisyong medikal ngayong huling araw.

City and Municipal Mayors’ League 2017

Courtesy call of Laguna Mayors to City Mayor Lourdes S. Cataquiz and former mayor Calixto Cataquiz before proceeding to Takara Hotel for the “City and Municipal Mayors League Meeting.” The mayors are: Gertrudes Andaya (Famy), Eduardo Tibay (Siniloan), Ronald Sana (Mabitac), Edgardo Ramos (Pila), Raul Gonzales (Victoria), Loreto Masa (Alaminos), and Vincent Soriano (Pakil). The City of San Pedro will host the event. (San Pedro City Hall – October 27, 2017)


NAGSAMA-SAMA at nagkaisa ng mga mithiin ang mga alkalde sa Laguna sa “City & Municipal Mayors’ League,” na pinangunahan ng Punong Lungsod ng San Pedro City, noong ika-27 ng Oktubre, 2017, sa Takara Hotel.


Inilatag ni City Mayor Lourdes S. Cataquiz ang kanyang mga plano para sa lungsod tulad ng pagtutuloy sa Roadmap 2020, “no to socialized housing & yes to commercial & industrial services,” pagpapalago ng natural resources, “demolish, restoration & construction,” at iba pa, na sinang-ayunan naman ng mga kapwa alkalde nito. Ipinaalala naman ni dating mayor Calixto Cataquiz na dapat na samantalahin ng mga namumuno ang kanilang liderato sa pagpapabago at pagpapaunlad ng kanilang nasasakupan.


Nakibahagi sa pulong sina dating MMDA chairman Francis Tolentino, mga konsehal, Laguna Mayors’ League secretariat, UPLB professor Renato Lapitan, at iba pa. Dito’y ibinahagi ni Prof. Lapitan ang progress report at impact evaluation study ng Laguna de bay Institutional, Strengthening & Community Participation (LISCOP) project sa CALABARZON.

GLOBAL CHARITY ASSOCIATION AT SALT AND LIGHT INTERNATIONAL NG SOUTH KOREA MULING DUMALAW SA LUNGSOD NG SAN PEDRO

Malugod na pagsalubong at pagtanggap ang ibinigay ng Pamahalaaang Lungsod sa pagdating ng Global Charity Association at Salt and Light International World Missions, Inc. kasama ang day care children. Pinangunahan ni former mayor Calixto R. Cataquiz ang pagsalubong kina Global Charity Pres. Byung Suk Kang, Dr. Byeong Soo Shim, Dr. Dao Ho Jung, Dr. Seung Won Park, Dr. Jae Min Kim at nurses noong Oktubre 27, 2017 sa ganap na ika-10:00 ng umaga.

Tinanggap ni City Mayor Lourdes S. Cataquiz at former mayor Calixto R. Cataquiz ang mga token mula kay Global Charity president Byung Suk Kang ng Yeosu City, South Korea. Ito ay bilang tanda ng pagsasamahan ng dalawang lungsod upang palawigin pa ang pagtutulungan, pagpapalitan ng kaalaman at pagdadamayan ng lungsod.
Oct. 27, 2017

   

Tinanggap ni City Mayor Lourdes S. Cataquiz ang 30 units ng desktop computers at development fund para sa 11 day care centers mula sa Global Charity Association of Yeosu City, South Korea. Layon ni Global Charity Pres. Byung Suk Kang na makatulong sa San Pedronians at makapagsilbi sa pamamagitan ng medical mission na siya umanong paraan upang lumago pa ang mainit na pagkakaibigan ng dalawang panig. Ang turnover ceremony ay ginanap sa Multi-purpose hall noong Oktubre 27, 2017.

Elderly Filipino Week 2017 – Isang Masaya at Makabuluhang Pagpupugay sa ating mga Mahal na Seniors

 

Pinangunahan ng inyong lingkod ang panunumpa sa katungkulan ng mga bagong halal na Senior City Officials kaugnay sa pagdiriwang ng Elderly Filipino Week na may temang “Pagkilala sa Kakayahan, Ambag at Paglahok ng Nakatatanda sa Lipunan”.
Nanumpa sa tungkulin ang 61 opisyales na sina Senior City Mayor si Alejo De Asis Sade Jr. at Senior Vice Mayor Macario A. Arguelles at mga Senior City Councilors na sina Virgilio G. Esplana, Ricardo L. Gatdula, Ma. Cecilia B. Amorante, Juan R. Sabaldan, Rafaela V. Zaguirre, Bienvenido D. C. Quion, Carmen P. Delos Santos, Concepcion O. Casantusan, Benjamin M. Resplandor, Irenea C. Rosales and Florencia S. Sagun at mga department heads.
Pansamantalang pinamunuan ng senior city officials ang pagpapatakbo ng lahat ng departamento kabilang ang Sangguniang Panlungsod ng San Pedro upang alamin ang bawat responsibilidad at mga suliraning kinakaharap ng mga ito at ang mga posibleng solusyon dito.

Binigyan ng dagdag kaalaman ng Office of the Senior Citizens Affairs (OSCA) at ng United Bayanihan Foundation, Inc. ang mga senior citizens hinggil sa karaniwang sakit ng matatanda sa “Nerve Aging & Arthritis Management” seminar noong Oct. 5, 2017 sa Multi-Purpose Hall, alinsabay sa selebrasyon ng Elderly Filipino Week 2017. Tinalakay ni Dr. Mario Bonifacio ang sintomas ng nerve ageing, rayuma o arthritis, kahalagahan ng masustansyang pagkain, ehersisyo, malinis na hangin at tubig para sa malusog na pangangatawan, at kung paano makokontrol at gagamutin ang nasabing karamdaman.
Ipinaabot din natin ang patuloy na suporta ng Pamahalaang Lungsod sa mga health programs para sa mga senior citizen ng lungsod. Ang mga nakibahagi at dumalo sa seminar ay binubuo ng Senior Citizens Association-San Pedro Chapter, CASCASPI, .Senior City Officials, dating konsehala Diwa Tayao, at iba pa.

Nagkatuwaaan ang mga senior citizens na binubuo ng City Alliance of Senior Citizens Association San Pedro, Inc. (CASCASPI), Senior Citizens-San Pedro Chapter, senior city officials at OSCA personnel sa kanilang pagsasama-sama sa paghahandog ng mga plake ng pagkilala sa mga centenarians at sa mga nakatatandang may mahalagang kontribusyon sa lipunan. Nakatanggap ng pagkilala at respeto ang mga centenarians na sina Ma. Asuncion Audencio, Esther Amalia Diopando at Segundina Bonifacio, habang inalayan ng “Bilib Kami Sa’yo” award sina dating konsehal Diwa Tayao, Kon. Bobot Berroya, Office of the Senior Citizens Affair (OSCA) head Gregoria Ramilo, CSDW head Fatima Autor, at ang inyong lingod. Siyam (9) naman na natatanging senior citizens ang nakatanggap ng “Sertipiko ng Kagalingan.” Humanga din ang Punong Lungsod sa mga senior citizens matapos silang magpamalas ng galing sa pagsasayaw ng katutubo, ballroom at Hawaian.

Pamimigay ng Tulong Pinansyal sa mga tiga -Sitio Pinagkaisa

Tayo ay nagpaabot ng tulong pinansyal sa 65 na pamilyang nakatira sa Sitio Pinagkaisa para sa kanilang recolation matapos na makasama ang kanilang mga kabahayan sa clearing operations ng City Urban Development and Housing Office (CUDHO). Sana ito ay inyong magamit sa upang makipagsimulang muli. Kasama ko din sina CSWD head Fatima Autor, CUDHO head Melizza Tipon at CASTF Head Arlene Quinto.